THOUSANDS OF FREE BLOGGER TEMPLATES

2019/03/13

.....، بحبك ياأُمي ،.....


بحبها علشان ملقتش زيها 
ولا قلبي اتفتح لحد من بعدها 
بحبها علشان هي اللي علمتني الحب وكل حاجه حلوه بحسها
ومن وقتها بحبها لأني فتحت عيوني وضحكتها في وشها 
بحبها وقلبي دايب فحبها ولا عمري هنساها ولا هنسا حِسها
تنده تقول حبيبتي عامله ايه؟
 تسأل تقول تعبانه ولا فيكي إيه؟
 تسهر تقول قلقانه من إيه؟ 
 كانت شايله همي وتعبانه لتعبي وتفرح لفرحي وتتعب لجرحي 
علشان كده بحبها لأن مفيش حد زيها 
بحبها لأنها بإختصار أُمَيِّ وصحبتي وحبيبتي وكل دنيتي 
بحبها لأني دمي من دمها وملامحي من وشها 
بحبها وهي عارفه وحاسه من غير ماشرحلها 
أصلها أُمَيِّ ومين غيرها يحس بيا حتي في بُعدها 
تعبتي كتير علشانا وعمرك ماإشتكيتي ولا طلبتي المقابل 
صبرتي كتير علينا وعمرنا ماحسينا إنك بكره هتسيبينا 
بحبك ياأغلي وأحن أُم فالدنيا بحبك ولا عمري هحب حد قدك 
ربنا يرحمك يارب ويغفرلك ويأنس وحدتك ياحبيبتي 
عيدك فالجنة ياأُمي

2019/01/26

....؛ ( بِرَّهاَ )؛....



برها زي ما ربنا قالها في كتابه
والرسول صل الله عليه وسلم اكدها في وقتها
برها وبوس دمغها واديها ورجلهااا
اوعي في يوم تخرج وانت واجع قلبها
خدها في حضنك ونام كمان علي رجلها
اوعي في يوم تخرج من غير ماتبوسها في خدها
وتشوف ضحكتها علي وشها
واوعي تمشي قبل ماتسمع بودنك دعائها ليك لربها
لو لقيت فوق الساعات سعات استني واسهر جمبها
اوعي تزعل منها لو زعقت فيك ولا زعلتك
اوعي تتأفف ولا تشوحلها
اوعي تنسي انك ابنها وانها امك ومن حقها
برها العمر قصير اووووي اوعي تسيبه يفوت من غير ماتشبع منها
اتصور معاها كتير سجلهااا ايوه سجلهااا سجل كلامها وصوتها وضحكتهاااا ايوه صدقني هتشتاق لهاااا
حبهااا اوووي بس مش هتقدر تحبها قد ماهي بتحبك بس حاول ترضيها وأوعي يوم يعدي من غير ماتدعيلك معلش كلامي بيوجع بس صدقوني اقبلو مني النصيحه لما بيوحشني صوتها بقول يارتني كنت سجلت صوتها وضحكها
لما بتوحشني بقول انا ليه مش صورتها مع اني راسمه ملامحها في قلبي
مفيش حاجه هتعوضني بردو عن حضنها ولا سؤالها عليا ولا دعائها ليا بقالي كتير مشوفتهاش وحشني حضنك وايديكي اللي بطبطب عليا وبتحضني آاااااه ياربي دا وجع ايه ده والله باصبر واحتسب ياربي لك الحمد بس مش عارفه اعيش من غيرها ولا سهل عليا اللي شفته حصلها مش مستوعبه اني مبقتش اشوفها وحتي بابا رحلها  
بدور عليهم في وشوش كل ام وكل اب بحس اني نفسي احضنهم راحت  الراحه وراح حنان والدفا والأمان
وراح معاها السند والحب كمان معرفش يستحمل العيشه من غيرك ياأُمي
وحشتوني أووووي بجد الدنيا ملهاش طعم من غيركم مفيش حياه والله
ربنا يرحمكم ويغفرلكم ويجعل مثواكم الجنه يارب ويرزقكم الفردوس الأعلى ويجمعني بيكم يارب العالمين 😔
اللهم ارحم
أمي و أبي

2017/11/24

.... أجيبك منين ياأُمي....

ولما أعوز اشتكي همي
أجيبك منين ياأُمي
ولما تضيق بيا الأيام
وأدعي ربي تجيلي فالمنام
تخديني في حضنك وأحس بالأمان
أجيبك منين ياأُمي
سامحيني ياأُمي لما لقيتك بتروحي مني
كان غصب عني مقدرتش اديكي من عمري ياحته مني
كنت بدعي ربنا دايما مشوف حاجه وحشه فيكي
ومن كرم ربنا ليكي انو ريحك من تعبك وامر يشفيكي
عارفه انك ارتحتي واتعافيتي
عارفه انك اتعذبتي بس وربي عمرك ماإشتكيتي
قد إيه صبرك في مرضك كان جميل
قد إيه اتعلمت منك إن مفيش أحلا من الصبر الجميل
في عشتي معاكي علمتيني كتير
اتعلمت ياعني إيه طاعة. ياعني إيه صبر.
ياعني إيه مفيش مستحيل .  ياعني إيه تسامح
يااااااه ياأمي قد إيه كنتي عظيمه
إزاي كنتي كده..؟!
قد كده ربنا رحيم بعباده
كنت بشوفك فتعبك تصلي وتدعي كتير
مكنتيش بتنسي حد من دعاكي الجميل
كنتي في وقت تعبك وفعز ألمك تقولي مصلتش عاوزه اصلي
كنت اقولك ربك يسامح تقولي يارب بس قوميني عاوزه اتوضي
كنت أقول يارب عالجمال والمقدره علي الصبر والبلاء
وانا اللي كنت اعوز أنام ومكنتش أصلي من الشيطان
كنتي تصحيني أصلي فكل فجر وقت الأذان
كنت بقوم أصلي وأقول يارب إشفيها وخليها
يارب مليش عيش فالدنيا دي بعديها
بس إنت ياربي وحدك اللي كنت عالم بيها
كان نفسي تسيبها شويه معايا
معملتش أبدا حساب اليوم ده
وكنت دايما فكراكي هتبقي معايا
وكنت دايما مطمنه وأقول هنزل قريب
لما جتلك كنت جيبالك هدية عيد الأم معايا
وفرحانه من جوايا وبفكر إزاي هعمل مفجأه لما تشوفيني
بس إنتي كنت تعبانه يانور عيني

..... غبتي عني ياأُمي.....

غبتي عني ياأُمي وانقطع دعاكي ليا
غبتي عني ياأُمي وسبتيني  لمين أشكي
غبتي عني ياأُمي وخلتيني يتيمه
سبتيني مع إنك مكنتيش عاوزاني أمشي وأسيبك
وعدتك مش همشي غير لما تزهقي مني و تطرديني
رديتي عليا وقولتي عمري ماانطقها واخليكي تسيبيني
انتي اللي روحتي ياأُمي وسبتيني
حرمتيني منك ومن حنانك وضمتك ودعوتك
اللي بيهم كنت عايشه  بيهم بكمل سنيني
مش زعلانه منك صدقيني.. ومن قلبي بدعيلك يانور عيني
ربنا يرحمك ويسكنك الفردوس الأعلي
بس بالله عليكي أوعي تنسيني وتناديني
إنتي عارفه كنتي إيه بالنسيه ليا
كنتي كل الدنيا ديا
كنتي جنتي ومونساني في وحدتي
كنتي حضن دافي، بالنسبه ليا
  كنتي سري، كنتي صبري، كنتي فرحي لما بفرح
كنتي ايد تطبطب عليا لما بحزن ولا أعيط
كان كلامك راحه ليا
آاااااااه ياأُمي مهما أوصف مش هكفي فيكي وصف يانور عنايا
بس بالله عليكي  تفتكريني ودايما فالحلم تجيلي 
تطمنيني عليكي وتوديني
أوعي تتلهي في جنتك وتسيبيني
ارتاحي ياأُمي واطمني
ووعاكي فيوم تتألمي
هفضل صابره علي غيابك. لحد ما يجي يوم عيدي برؤياكي
وحشتيني ياأُمي.. رحمةُ الله عليكي يا حبيبتي

......! كل حاجه مبقتش زي الأول......!

كل حاجة ما بقتش زى الاول .. عشان اسباب كتير
كل حاجة مابقتش زي الاول عشان اسباب كتير

اولهم النَفس اللى معدى من كل واحد وبيطير

واللى خارج واللى داخل مالهوا والاكسجين

واللى طالع بآاااه واللى طالع بفرحة

واللى طالع بصرخة واللي طالع ويا الكلمتين

كل حاجة مابقتش زي الاول عشان اسباب كتير

تانيهم التحول والتأثر وساعات بيبقى التغيير

ومحاولة تقليدك أو حتى تطنيشك للغير

أو حتى بصتك من فوق لدة ولا دى ذى ما تكون الأمير

كل حاجة مابقتش زي الاول عشان اسباب كتير

تالتهم الايام والدقايق والسنين

اللي عمالة تمر وتسحب مالعمر فى غمضة عين

ومع كل سنة بتمر عليها بتسيب كرمشة عالجبين

تلخص الحزن والفرح وكل اللي اكتشفته يتلخص في كلمتين

كل حاجة مابقتش زي الاول عشان اسباب كتير

رابعهم النجاح او الفشل

او المحاولة اوالنجاح

او اللى تسميه لكل طموح كنت عايز تحققه

بس الوقت لسة ماجاش

كل حاجة مابقتش زي الاول عشان اسباب كتير

خامسهم القدر والنصيب والفراق واللقا

وآااااه من الفراق والإشتياق ربنا مايكتبهم علي حد

إسألوني أنا عن الفراق لما راحت أمي عرفت وقتها معاني كتير
منها يُتم .  وحده.  فراق. وإشتياق. ناااار الفراااق جربتها
لما جنتي علي الأرض راحت لربها

ياعني ايه نفسك تشوف حد انت مش مصدق انك مش  هشوفو تاني غير لو حلمت بيه وتبقي وقتها نفسك متصحاش من حلمك

والصدفة والحظ واللى بتشوفه فى الرؤي

واللى شفته واللى لسة ما شفتوش

واللي تعرفه واللى لسة ما عرفتوش

عشان كدة بلاش تتعب نفسك من كترالتفكير

أصل كل حاجة مابقتش زي الاول عشان اسباب كتير!

2017/10/31

......... ليه كل ده..........؟


ليه بنظلم..؟ومش بنحب حد يظلمنا..!
ليه بنجرح..؟ ومش لاقيين حد ياخد بخاطرنا..!
ليه بنغتاب..؟ومش خيفيين من العذاب..!
ليه بنخون..؟ وسهل علينا الحبيب ويهون..!
ليه بنقسي. ؟واحنا مش لقيين الحنيه.!
ليه بنكدب..؟ واحنا بنشك فاللي حولينا.!
ليه... وليه... ❔
ماكل ده عملناه في نفسنا.. لاقينا اللي بنديه للناس
هتظلم هتتظلم.. هتجرح هتنجرح
ليه مبنحبش بعض.. ليه مبنخفش علي بعض..
ليه واحنا طريقنا بإدينا.. وسهل اوي نفرح ونسعد بعضينا
ليه مبنسامحش بعض.. ليه مبنسألش علي بعض..
متعلمناش كده من نبينا.. ولا علمونا كده اهلينا..
ليه بقينا كده..؟...
Red rose 🌹

2015/11/07

«°°° أنا جمبك متخافيش°°°»

كلمه ليها سحر واحساس بالأمان
... انا جنبك متخافيش...
حتي لو لقتني برود واقول مش عاوزه حد جنبي
  خليك بردو متمشيش
بيبقي جوايا حزن ووجع بس من غيرك مقدرش اعيش
... انا جمبك متخافيش...
ياااااه احساس بجد ميتوصفش
متسمعليش لما اقولك من غيرك هقدر اعيش
انسي كلامي القاسي مش من قلبي وميشبهنيش
خليك جنبي فعلا متمشيش
ايا كان رد فعلي بيكون ازاي
استحملني فوقت ضعفي ومتسبنيش
انت فاكر كنت واعدني بإيه ....؟
انا جنبك ماتخافيش.... ♥
ومن غيرك مقدرش اعيش.... ♥

^~^{.... عادي.... } ^~^

عادي ...!
كلمه بنقولها تريح اللي قدامك.. بس احنا مش بنكون مرتاحين

عادي..!
كلمه بتطلع وقت كسوف او زعل او خنقه.. علشان متبررش حالتك

عادي..!
كلمه بتطلع في وقت ماانكون خلاص بنتمالك اعصابنا.. وبنحاول نهدي نفسنا من الغضب

عادي..!
هي مش كلمه دا كلاااااااام جوانا كتير اووووي.. بس اختصاره بكلمه عاااادي
لاننا عارفين اننا مهما اتكلمنا ومهما اقولنا محدش هيحس باللي جوانا فليه نتعب نفسنا لما ممكن نقول...عادي

عادي..!
كلمه بمليووووون آآآآه.. وجرح وآنين.. بس احنا مش مبينيين

عادي..!
كلمه بنقولها علشان محدش يزعل من حد.. حتي لو كان غلطان بس كلمه عادي بتسهل وتبسط الاوضاع الحاليه لان مفاهيم الحياه عند معظم البشر..عادي

عادي..!
بنقولها واحنا عنينا كلها دموع وروحنا بتتخنق وخلاص مش قادرين نقول غير كلمه توضح للي قدامنا اننا مش قادرين نتكلم

عادي...!
لما نحكي عن نفسنا ونبقي محتاجين حد يفهمنا.. وفالاخر يتضح لينا اننا اصلا مش في بالو ولا كلامنا له اي معني

عادي..!
مين فينا مبيقولش ف اليوم مليوووون كلمه

عاااااادي...؟
Red rose 🌹

>°°°« مالكم ومالي » °°°<

سيبوني في حالي.. مالكم ومالي
انا عاجبني كده حالي
مش هعترض عاللي جرالي

اذا كان كلو متسطر ومكتوب
يبقي ليه تعب القلوب

هزعل ليه وعلي إيه ومن مين..؟
ماكلنا عايشيين مش مرتاحين
وعلي حالنا كل يوم صابرين
يبقي ليه مستغربين
اني ساكته علي حالي
وارجع واقول عاجبني كده حالي

حياتنا شيفينها صعبه ومستحيله
ومفيش حاجه بتتغير من يوم وليله

كلو عاوز يعيش حياتو زي الاساطير
بس احلامنا هاجرت زي العصافير

في بلدنا بنحلم كتير ما الحلم مش بفلوس
اخرنا نحلم و متطمعش للكل عليك يدوس

وفي الاخر ايه هيزعلني
مانا راضيه بحالي وعاجبني
مش بكيفي دا غصب عني
حالي كده وهيفضل عاجبني

Red rose 🌹

{........ كُل الحكاية........ }

هي:     مالك..؟
أنا  :     مالليش...

هي:    فيكي إيه.. متخبيش..؟
أنا  :     مالي.. مافيش.. ولا حاجه ميهمكيش
            انا كده حياتي.. مدوقيش

هي:     إزاي بقيتي كده ردي عليا متهربيش
أنا  :      أنا مش ممتنعه عن الكلام
             كل الحكايه إن معدش في كلام
            كل قصصي وحكياتي خلصتهم قوام

هي:      طب ليه عنيكي مليانه كلام
أنا   :      كل الحكاية إن سنيني كلها أيام
              شويه فرح كام ساعه فاليوم
             شويه زعل وحزن ودموع بالكوم
              شويه زهق وملل علي نووووم
             شويه تفكير 💭 .. في ايه... معرفش
            لو سألتيني بتفكري في إيه..؟ هقولك مبفكرش..!.
             شويه تعب وحزن وتفكير في إيه..؟
             معرفش..؟! متسألينيش..!

هي :     مالك طيب فيكي إيه..؟
            إحكيلي متخبيش....!؟
أنا    :    نفسي أحكي واسمع صوتي واتكلم وأعيش
             نفسي اعرف أتكلم وازعل وأثور ومخبيش
             نفسي فحد يفهمني.. وميسألنيش

هي   :   إتكلمي حبيبتي سمعاكي وجمبك متخافيش
أنا      :   هتسأليني تاني... ماااالك
             هقولك ماليش.. وميهمكيش
             مفيش حاجه اديها ماشيه.. وبحاول أعيش
            خليكي بس جمبي ومتسبينيش
            حتي لو مفهمتيش... خليكي معايا متمليش
            وأفتكريني وأنا عايشه..
            ولو مُت ياصحبتي  متنسينيش

هي    :ليه بتقولي كده بعد الشر عنك بطلي كلامك ده.. ومتخوفينيش
            مالك حبيبتي فيكي إيه بس متقلقينيش
             كل سؤال اسألهولك مبتجوبينيش..!؟
أنا      : حبيبتي والله مافيش عادي بقي مادوقيش....

هي   : طيب ليه عنيكي مليانه دموع
            ودايما بحس ان قلبك موجوع
             وف صوتك حزن دايم مسموع
            حتي لو ضحكتي عيونك بيلمعو من الدموع
             دايما افتكر كلامك ليا وأسمَّعو
              ان اللي جاي أحلي وبإدينا هنصنعو
              فين كلامك ليا ووعودك فالحياه
             كلو راح ف ثانيه وكلامك راح وتاه
أنا       : لسه بتسأليني عند ضحكتي وفرحتي
             لسه مفهمتينيش ياأُختي وصحبتي
             كنت فكراكي فهماني وانتي أكتر واحده حساني
               بس أقولك ميهميكيش..
               أهم حاجه عندي إنك معايا ومبعدتيش
               وأوعي تنسي كلامي ليكي
              خليكي جمبي متسبينيش
              وأوعي فيوم احتاجلك وملقاكيش
              بحبك ياأغلي إنسانه عندي 
              ومن غيرك مقدرش أعيش

2011/03/25

؛¤ّ,¸¸,ّ¤؛°`°؛¤"!! ليه كدبتى ؟وخدعتينى !!" ¤؛°`°؛¤ّ,¸¸,ّ¤؛




ليه كدبتى ؟

وخلتينى احبك

ليه كدبتى ؟

ووهمتينى بحب..قلبك

ليه بعد ما طلعت لفوق

وبحنانيك خدتينى للشوق

فجاة نزلتينى

وليه خدعتينى ؟

خدعتى قلب كان عايش ليكى

كان كل همه ازاى يرضيكى

قلب عرف الموت معاكى حياه

كان يتمنى عمر على عمره

عشان يفضل معاكى لمنتهاه

لا... ياقلبى متقولش

إنك لسة بتحبها

لا يا قلبى امشى وبلاش تعاتبها

وسيبها دا مسيرها

تعرف معنى الجراح والالم

زى ماعرفته......

ليه كدبتى ؟

بعد ماخليتى الدنيا من حواليا حلوة

كنت بناام واصحى على احلى غنوة

قولتيها ليا بعنيكى

وعشان بحبك صدقتها

وازاى بقى

هافضل اصدق

ماانتى بخداعك موتيها

كنتى حلم بالنسبة ليا..؟ 

لأ

كنتى كل حاجة ليا

كنتى لما بتبكى ببكى

واحس دموعك جوة عنايا

قولت قبلك هانسى

كل حاجة راحت

وانسى قلوب ظلمتنى

وباعت......

وابتدى وياكى أيام

وسنين طويلة

ولما صحيت من حلم خدنى

لقيت الوهم شال وحط فيا

وانتى بجرحك ليا

كملتى عليا......

ليه كدبتى ؟

وليه قلبى يهون عليكى ؟


واسال ليه؟

مامن البداية هان عليكى

مامن البداية مش فى بالك ولا همك

مش مشكلة انك تبيعى قلبى وعليكى يهون

المهم قلب حبك ويشتريكى

كنتى بتمثلى عليا الحب

وبغبائى مثلت معاكى

وبكل اتقان عشتى الدور

وندور سوا

باسم الهوا

عايشين حياةأصدقاء كلها حب

اقصد حياة من وهم وكدب

وغلطتى انى بكل سهولة

ليكى سلمت

ليه كدبتى ؟

ليه بعتينى علشان حاجه خسرتيها

ومش من حقك خلاص ترجعيها

ليه تحسـسينى انى مجرد

لعبه بتلعبى بيها

وبعد ما زهقتى منها كسرتيها

ليه كدبتى ؟

وخدعتينى!!

2011/03/24

.•´¯`•-> ( طـــار مــن عنيكى النوم ) <-•´¯`•.



طار من عنيكى النوم ؟

عشان تجربي ازاي تزيدي اللوم

ليه فاهمه ان واحديك اللي عندك مشاكل وهموم ؟

مش لازم تجرحيني كل يوم

لو تعرفي قد إيه حبيتك؟

لو تعرفي قد ايه كنت بخاف عليكى؟

وشوقي لما بتوحشني عينيكى

كنتى كل حاجه فى حياتى

كنت بصحى وبنام على ذكراكى

خدعتينى كتير اووى

معقوله كل الحب ده محستيهوش

قوليلى كنتى عاوزه ايه تانى و معملتهوش

بس خلاص فات الآوان

ماتخيلتش!! كل دي قسوه فيكى !!

اللي زيك مايفهمش الحب مايحسش بنار القلب

مايعرفش يعني ايه وداع

مايتألمش لو يوم منه ضاع

لكنك ممتازه في فن الخداع

قلبك من حجر

عمره مارحم بشر

بالنسبالك الصداقه ولا حاجه

واللي يحب شيفاه في قمة السذاجه

الرسالة وضحه ومش محتاجه

بعديك.. مكانك في قلبي بقى فاضي

كسرت قلبي عشان انسى الماضى

بيكى من غيرك هكمل حياتى

بس من غيرك هعيش اجمل اوقاتي

2010/05/21

.•´¯`•-> (لا تبكى ياغاليه ) <-•´¯`•.










حبيبتى لا تبكى


فعيناكى لم تخلق للبكاء


ولا انا استطيع ان اراكى باكيه


فدموعك حبيبتى


اغلى من روحى عليه ياغاليه


الدمعه من عيونك تقتلنى


والابتسامه من شفايفك تسعدنى


فإبتسمى حبيبتى ان كنت حبيبتكى


كما انتى حبيبتى


نعم.. حبيبتى واحبك وسوف أحبك دائما


استسلمت لحبكى من يوم ان رأيتكى


أعلنت الرايه البيضاء لقلبكى


فإقبلينى اسيره عندكى


نعم اطلب ان اكون اسيره لديكى


فعذابى فى الدنيا هو البعد عن عيونكى









لا تبكى حبيبتى ولا تضعفى


فانا دائما بجواركى


فإذكرينى إذا ضاق الحال بكى


اهمسى فى سرك بإسمى ونادينى


فسوف ألبى النداء واصل لكى


حبيبتى لا تستسلمى لحزنكى


ابتسمى حبيبتى فإن الابتسامه خلقت من أجلكى


ابتسمى حبيبتى فإن الابتسامه من شفتيكى


اشراقه يوما جديد ملئ بالسحر من ابتسامتكى






حبيبتى لا تبكى



فإن جدران قلبى تحترق من دموعكى


لا احتمل دموعكى


فتعالى الى حضنى وارتمى


ولا تبكى سوى على صدرى


ابكى بين أحضانى


وإجعلى دموعكى تسيل على صدرى


وتخترقنى وتصل الى شرايين قلبى


لتسكن فى شرايينى


وإجعلى دموعك تحرق قلبى


بدلا من ان تحرق قلبك


تعالى وإبكى هنا بين أحضانى




إجعلى دموعكى تتغلغل داخل أعماقى


اجعليها حبيبتى تتغلغل داخل عروقى


فأنا أفديكى بكل روحى حبيبتى


ومن أجلك ابيع حياتى وعمرى


ولكن لا تبكى حبيبتى


سأبقى أبكى طوال العمر


لأن تبتسمى أنتى حبيبتى


وسأبقى حزينه طوال العمر


الى ان تفرحى حبيبتى


ألا تعلمين كم انتى غالية


وكم بكائك يقتلنى حبيبتى


وكم حزنك يرهقنى حبيبتى


فيا حبيبتى لا تبكى ولا تتألمى


فبكائك والله قد كسر نفسى وذاتى


فلا تقولى آآآه حبيبتى


فأنينك قد أبكانى


وأحزننى ياقلبى


فتعالى هنا حبيبتى


لا تبكى بل نامى على صدرى


وإحلمى ودعى آلامك بعيدا


انسيها وتذكرى حبى لكى


تذكرى أيامنا الحلوة


وإنسى همومكى


وتعالى لكى أزيل من قلبكى همك الى الابد


نامى حبيبتى واحلمى


نامى ودعى مواجعك


تسرى فى عظام جسمى


فأنا عظامى ستتحمل الآلم


انا سأتحمل العذاب عنكى


سأتحمل الآمك حبيبتى


تعالى لأتقاسم معكى همومكى


تعالى وارتمى بين احضانى


واتركينى انا من ينطق الآآآآه عنكى


انتى حبيبتى وانا حبيبتكى


ياأعظم انسانه رأيتها بحياتى


لا تبكى ودعى الآلام بعيدا


فيا حبيبتى استحلفكى بالله لا تبكى


وادخلى بين احضانى وعليه تبكين وتشكى الحال


ونكسر سويا الآلام والهم


ولا نترك لهم ابدا مجالا


فلا تستضعفين لهم وقولى لا


لا لأى حزن او ألم او هم


لا ولا وألف لا


انتى خلقتى لكى تبتسمى


فلا تبكى بالله عليكى حبيبتى


أدعوا لكى بالهدايه والطمئنينه


فكفى البكاء حبيبتى




ولا تبكى









2010/05/15

.•´¯`•-> ( علمتينى القسيه ) <-•´¯`•.




اول مره احس انك مش حاسه بيا

اول مره متكنيش قدام عنيا

ايه اللى جرا ماكنتى اقرب الناس ليا

يمكن حبى ليكى خلاكى تعملى كدا فيا

طيب ليه لما حد يحبنا نقابل حبه بقسيه

يمكن خوفى عليكى خلاكى تبيعى وتجرحى فيا

طيب ليه لما حد بيخاف علينا نقابل خوفه بسخرية

انا عارفه انى حساسه شويه

بس دا ميمنعش ان حبك قل ليا

مبقتش زى زمان كل حاجه اتغيرت فيا

خلاص .. صدقينى مش هقدر اكون الضحيه

اوعدك .. انى مش هكون تانى الوفيه

خلاص .. انا اتعلمت منك القسيه

×?°"?`"°?× (..ليه كــل ده ..؟ !! .. ) ×?°"?`"°?×



أسفه ان كنت ضايقتكم
بس انا والله بحبكم
وانتوا عندى اغلى حاجه
وبسكوتى ده مش عارفه أثبتلكم
مش قصدى اغلط فى حقكم
ولا عمرى مره فكرت ابعد عنكم
مش عارفه ايه حصل لكل ده
مش قادره افكر لحظه وليه كده
عملنا ايه فى بعضنا
وفجأه تهنا من نفسنا
بندور مين غلط فى حقنا
واحنا اصلا مش معترفين بذنبنا
من كتر حزننا
قلوبنا مش قادره تستحمل جرحنا
مش مصدقه ان الحبايب
يتفرقوا فى يوم مننا
ايه كان حصل لكل ده
طول عمرنا مع بعضنا
ولا عمر حد يقدر يفرقنا عن بعضنا
ليه لما حد يجرحك مبنفكرش غير فى نفسنا
وبننسى اى حاجه حلوه كانت عندنا
ليه بنضيع فرحتنا بغبائنا وجهلنا
مبنفكرش ليه فى نفسنا
وننسى اى حزن جه عندنا
يوم مانفكر انوا هيخدنا من بعضنا
احنا اخوات طول عمرنا
وهنفضل اخوات وده غصب عننا
دمنا هو اللى رابط حبنا
مش ممكن يوم يعدى وقلوبنا شيله مننا
ياريت قلوبنا تصفى من تانى وتعود لنا
قلوب حبت بجد ولا عمرها تجرح حد
وكلنا نرجع تانى نخاف على بعض
مينفعش نفضل كده وننسى الوعد
وعد السنين .. فاكريين
ولا قلوبنا بغضبها محت الحنين
ياريت نفتكر ايامنا الحلوه
دى مش بس ايام دى سنين وسنين
اكيد انتم بكلامى حاسين
وقلبكم مليانه بحنين
لاننا اخوات مع بعضنا
طول عمرنا
فهمين بعض بنظراتنا ودقه قلبنا
ومينفعش يفرقنا بُعد لو حتى ايه حصلنا
بحبكم ولا عمرى مره فكرت ابعد عنكم